Бүгін KAZENERGY қауымдастығының Атқарушы директоры Дамир Нарынбаев пен Энергетика саласын дамыту департаментінің директоры Еділ Көпенов Павлодар облысында Қауымдастыққа мүше «Самұрық Энерго» АҚ және «KEGOC» АҚ компанияларына қарасты бірқатар нысандарға барды. Сапар барысында кәсіпорындардағы ағымдағы жағдаймен танысып, өңірдің энергетика саласының негізгі компанияларының басшылығымен жұмыс кездесулерін өткізді.
Атап айтқанда, Қауымдастық өкілдері «Екібастұз ЖЭО» ЖШС, «Богатырь-Көмір» ЖШС, «Северный» ЖЭС, «Екібастұз ГРЭС-2 стансасы» АҚ және «Болат Нұржанов атындағы Екібастұз ГРЭС-1» ЖШС сияқты энергетика саласында шешуші рөл атқаратын кәсіпорындарға барды.
Сапар барысында аса маңызды мәселелер, оның ішінде тарифтік саясат мәселелері және энергетиканы дамытуға қатысты өзекті тақырыптар көтеріліп, талқыланды. Қауымдастық өкілдерінің пікірінше, саладағы жұмысшы кәсіптерді қолдау мен дамытудағы маңызды қадам болып табылатын «Жұмысшы мамандықтар жылы» мәселесіне ерекше назар аударылды. Сондай-ақ, осы кәсіпорындар шеңберінде жүзеге асырылатын әлеуметтік және корпоративтік бастамалар талқыланды.
Сонымен қатар, кәсіпорындар активтерімен кездесулер өткізіп, өзекті мәселелер, оның ішінде сала қызметкерлері кездесетін проблемалар мен міндеттер талқыланды. Сондай-ақ Қауымдастық жұмысының нәтижелері мен оның қызметінің бағыттары таныстырылды, сондай-ақ ұжымдардан ұсыныстар мен ескертулер қабылданды.
KAZENERGY қауымдастығы негізгі мәселелерді шешуге және тұтастай алғанда Қазақстанның энергетика саласын дамытуға бағдарлана отырып, өңірлермен және Қауымдастық мүшелерімен белсенді өзара іс-қимылды жалғастыра береді.
