2022 жылғы 21 желтоқсанда Мемлекет басшысы "Салық және бюджетке төленетін басқа да міндетті төлемдер туралы "Қазақстан Республикасының кодексіне (Салық Кодексі) және "Салық және бюджетке төленетін басқа да міндетті төлемдер туралы" Қазақстан Республикасының Кодексін (Салық кодексі) қолданысқа енгізу туралы" Қазақстан Республикасының Заңына өзгерістер мен толықтырулар енгізу туралы" Заңға қол қойды.
Осы заңнамалық актімен жұмыс 2020 жылы басталғанын атап өту маңызды. Қауымдастық орталық мемлекеттік органдардың, сондай-ақ Үкіметтің, Президент Әкімшілігінің және Қазақстан Республикасы Парламентінің алаңдарында өткізілген барлық жұмыс топтарына қатысты.
Заңға көмірсутектерді өндірудің инвестициялық тартымдылығын арттыру, электр энергетикасына салық салуды жетілдіру, мұнай өнімдерін сату кезінде ҚҚС салудың жекелеген мәселелерін шешу, сондай-ақ салықтық әкімшілендіру саласындағы нақтылаушы түзетулер бөлігінде тұжырымдамалық түзетулер енгізілді.
Осы түзетулердің қабылдануына байланысты қауымдастық атына мүше компаниялардан алғыс хаттар келіп түседі.
Өз кезегінде, KAZENERGY Қауымдастығы компанияларға мұнай-газ және энергетика салаларының дамуына қосқан үлесі үшін терең ризашылығын білдіреді және қауымдастық жүргізіп жатқан көпжылдық жұмыстың нәтижелері мұнай-газ және энергетика салаларына қатысушылардың тікелей қолдауымен ғана мүмкін болғанын атап өтеді.
Қауымдастық көрсетілген сенімді жоғары бағалайды және саланы дамытуға және еліміздің экономикасын өсіруге барынша күш салуды жалғастыратынын атап өтеді.
