Тараптар өңірдегі мұнай-газ саласын дамытудың өзекті мәселелерін талқылады. Қауымдастықтың өткен кезеңдегі қызметінің қорытындысы шығарылды.
Өңірде мұнай мен газ өндірудің төмендеуін талдауға, сондай-ақ геологиялық барлау саласын дамыту перспективаларына ерекше назар аударылды.
KAZENERGY Бас директоры Әлібек Қуантыров өз сөзінде Қауымдастық рәсімдерді жеңілдету және жер қойнауын пайдаланушылардың мемлекеттік сараптамадан өту уақытын қысқарту бойынша ауқымды жұмыс атқарғанын, Жер қойнауы туралы кодекске және Экологиялық кодекске өзгерістер енгізгенін атап өтті.
- күрделі жобалар бойынша үлгілік келісімшарттарды бекітті (ОӘК);
-
кен орындарының қорлары мен болжамды ресурстарды жіктеу әдістемесін, пайдалы қазбалар қорын есептеу жөніндегі нұсқаулықты бекітті;
-
барлау жобаларын іздестіру сатысында ҚР БИОК-қа ұсынуға қойылатын талаптарын жойды (хабарлау тәртібінде жіберіледі);
-
егер сейсмикалық барлау жұмыстарының нәтижелері мұндай бұрғылаудың орынсыздығын дәлелдесе, ұңғымаларды бұрғылаудан бас тартуды ұсынды;
-
экологиялық рұқсаттарды алу уақытын қысқартты;
-
сарқылу үстіндегі кен орны түсінігін енгізді, критерийлер мен қарсы инвестициялық міндеттемелерді белгіледі және т.б.
-Қауымдастық сарапшылары жұмыс тобының мүшелері ретінде жаңа Салық кодексін әзірлеуге белсенді қатысуда. Біздің жұмысымыздың негізгі бағыты сарқылатын кен орындарын қолдауға, сондай-ақ экспортталатын мұнай және жер қойнауын пайдаланушылар сынақтық пайдалану кезеңінде жағуға мәжбүр болатын газды технологиялық жағынан еріксіз жағу бойынша салық салу тәртібін өзгертуге бағытталған, - деп атап өтті Ә.Қуантыров.
Қауымдастықтың қолдауын қажет ететін жер қойнауын пайдаланушылардың проблемалық мәселелері де талқыланды.
Сонымен қатар кездесуге қатысушылар «Қазгермұнай» БК» ЖШС-ның Жедел басқару орталығында болды. ЖБО-да Орталық Ақшабұлақ, Оңтүстік Ақшабұлақ және Шығыс Ақшабұлақ кен орындарындағы өндірістік процестерді басқарады. Компанияның 2024 жылға жоспарланған мұнай өндіру көлемі 1 миллион тоннадан асады.
«Қазгермұнай» БК» ЖШС Қызылорда облысындағы ең ірі және тиімді кәсіпорындардың бірі болып табылады. 2023 жылы компания 69 миллиард теңгеге жуық салық төлеген. «Қазгермұнай» БК» ЖШС мұнайының өзіндік құны бір баррель үшін 4,6 долларды құрайды.
Қоры мен мұнай өндіру көлемі бойынша ең ірі кен орны – Орталық Ақшабұлақ. Ол 235 шаршы км аумақты алып жатыр және 1996 жылдың қазан айынан бастап игеріліп келеді. Компания Оңтүстік Ақсай газ конденсаты кен орнын іске қосып, 2023 жылдың мамыр айында газ өндіруді бастады. Өңір қажеттілігі үшін ол қосымша жылына 100 млн текше метрге дейін газ береді. Осылайша, кәсіпорыннан келетін газ жылына 200-ден 300 миллион текше метрге дейін артады.
