Астанада KAZENERGY қауымдастығы мен ҚШИКҚ арасындағы ынтымақтастық туралы Меморандумға қол қойылды. Құжатқа KAZENERGY Бас директоры Әлібек Қуантыров пен ҚР Президенті жанындағы Шетелдік инвесторлар кеңесінің энергетика, экология және мұнай-газ саласы мәселелері жөніндегі бірлескен жұмыс тобының тең төрағасы, Қазақстандағы Total Energies басшысы Фруде Юнес қол қойды.
Құжатқа қол қою алғаш рет KAZENERGY мүшелерінің қаңтардағы жалпы жиналысында талқыланды және Қауымдастық мүшелерінің арасынан Шетелдік инвесторлар кеңесінің қолдауының арқасында мүмкін болды.
KAZENERGY ҚР Президенті жанындағы Шетелдік инвесторлар кеңесінің құрамына кіретін мұнай-газ компанияларымен табысты өзара іс-қимыл жасайды. Мысалы, жетілдірілген модельдік келісімшарт механизмін әзірлеу және енгізу және 2060 жылға дейінгі көміртегі бейтараптығына қол жеткізу Стратегиясын іске асыру бойынша жұмыстар белсенді жүргізілуде.
Меморандумға қол қою KAZENERGY мен ҚШИКҚ арасындағы ынтымақтастықты дамытудың жаңа кезеңін білдіреді, бірлестіктер мүшелерінің өзара кеңірек іс-қимыл жасауы үшін мүмкіндіктер жасайды. Құжатта әріптестікті нығайтудың маңыздылығы көрсетілген. Бұл Қазақстанның энергетика саласының тұрақты дамуына оң әсерін тигізеді.
