Бүгін, 2025 жылғы 14 қаңтарда KAZENERGY қауымдастығында USAID «Орталық Азия энергетикасы» жобасының басшыларымен жұмыс кездесуі өтті.
Кездесу барысында тараптар 2025 жылға арналған энергетика саласындағы ынтымақтастықтың негізгі бағыттарын талқылады:
- Энергетика секторындағы 2025 жылға арналған жұмыс жоспары;
- Заңнама саласындағы өзекті сын-қатерлер мен проблемалар;
- Қазақстан мен Орталық Азия өңіріндегі бірлескен жобалар мен бастамалар үшін мүмкіндіктер.
Энергетика саласын тұрақты дамыту, заманауи технологияларды енгізу, энергия тиімділігін арттыру және жаңартылатын энергия көздерін дамыту мәселелеріне ерекше назар аударылды.
Қатысушылар тұрақты энергетикалық даму саласындағы ортақ мақсаттарға қол жеткізу үшін белсенді ынтымақтастық пен тәжірибе алмасуды жалғастырудың маңыздылығын атап өтті. Бұл энергия тиімділігін арттыруға және өңірдің «жасыл» энергетикаға көшуіне ықпал ететін болады.
Тараптар 2025 жылы жоспарланған жобалар мен бастамаларды табысты іске асыру үшін әріптестікті одан әрі нығайта беру қажеттігіне тоқталды.
